O Celta perdeu ante o Girona pola mínima nun encontro celebrado onte no municipal de Balaídos. O encontro comenzo ben para os intereses célticos, aínda que o que levaba máis perigo cara porteria era o recén ascendido. Pola contra, este Celta de Pepe Murcia parece que si sabe o que xoga (tivemos que esperar 5 anos para ter un novo estilo de xogo), aínda que non conseguiron a victoria poidose ver numerosas melloras, xogadores comprometidos, o ruse-ruse dos siareiros…
Teño que destacar varios xogadores neste primeiro encontro, o mellor sen dúbida foi o canteirán Dani Abalo, xogando de interior dereito desbordou sempre e propiciou unha das mellores xogadas do encontro que case remata en gol. Óscar Díaz, novo fichaxe do Celta, destacou nas súas xogadas pegadas a linea de cal, mágoa que o gol do Girona viñera precedido dun fallo o despexar o balón. Por último, destacar a Trashorras, onte non firmou o seu mellor encontro, pero aínda así podemos ollar a súa calidade co balón nos pés.
Polo tanto, e como siareiro do Celta de Vigo estou contento, claro está non pola derrota, senón porque de seguir por este camiño creo que gañaremos moitos encontros, a xente disfrutará indo a Balaídos, e o final da tempada poderemos disfrutar todos xuntos dun novo éxito do noso equipo. SEMPRE CELTA
