47% das emissons de dióxido de carbono em Galiza provenhem de Endesa, Fenosa e Repsol.
Um informe tirado por Adega denuncia que 47% do total dos gases com efeito invernadoiro que se trasladam a atmosfera de Galiza procedem apenas de três empresas: a central de Endesa nas Pontes, Meirama, da Uniom Fenosa, em Cerceda, e a refinaria de Repsol na Corunha. O transporte de camions, comboios e carros, a quem normalmente se culpa da maior parte da poluçom ambiental, nom chegam a 17% das emissons totais.
De continuarem empresas como estas três (das que mais poluem em Europa) a sujar a atmosfera a este ritmo, os estudos calculam que no 2010 morreram arredor de umhas 250.000 pessoas no continente europeu.
E é Madrid quem a muge, mais umha vez. Galiza suporta umha poluçom desorbitada para o seu PIB: as emissons de dióxido de carbono por habitante som as mais altas de todo o Estado espanhol. Em principio, as zonas onde a pegada ecológica é maior som aquelas com umha economia mui desenvolvida baseada na indústria, como acontece por exemplo em Catalunha ou Madrid.
Mas esta equaçom nom se cumpre em Galiza, onde ademais da extrema poluçom ambiental existe também umha extrema destruiçom do litoral, dos rios, dos montes. Sectores como o da energia eólica, por exemplo, geram em Galiza 25% do total energético do Estado espanhol. Tanto é assim que por primeira vez o sector energético tem mais força que o primário.
A consideraçom com o país ao que saqueiam é nula. Quando a única pátria é o capital pouco importa como haja que fazer-se como ele.
texto sacado de http://www.Galizalivre.org
